‘n Credo is ‘n stelling van oortuiging, wat afgelei word van die Latynse term “Ek Glo”.

Menige kunstenaars word geïnspireer deur hulle artistieke credos, overgesetsynde“muses”om hulle werke te skep en ontwikkel – dus is ek oortuig daarvan dat hierdie proses eweneens belangrik is vir elke entrepreneur.

In sommige gevalle, wil ek argumenteer dat selfs belangriker as vir kunstenaars, dit van kardinale belang vir entrepreneurs is om hulle credos te ontwikkel. In sommige gevalle, verwys ons hierna as hulle “unieke verkoopsproposisie”. Ten basis van die produk of diens wat aan die publiek aangebied word, moet daar egter dieper betekenis gegee word, welke die verskil is tussen besigheid (ter wille van besig-wees) en besigheid met siel.

In besigheid hang sukses grootliks af van die onderskeid van jou unieke diens en/of produk in verhouding tot die bestaande vraag na jou produk / diens en jou geprojekteerde visie vir jou besigheid.

Van groter belang is jou oortuigings en dit wat jy van waarde ag. Indien jy nie jou beginsels en waardestelsel konkreet verwoord, kommunikeer en uitleef nie, sal die buitewêreld namens jou besluit aan welke waardestelsel en norme jy, en les bes jou besigheid gemeet sal word.  Dit spreek vanself dat geen entrepreneur van die geleentheid ontneem wil word om hom-/haarself en sy/haar besigheid te definieer nie.   

ActionCOACH FergusMOR se credo is eenvoudig, maar een wat oor die afgelope paar jaar as beide kragtig en veerkragtig bewys is.

Indien jy / of jou besigheid nie reeds een het nie, gebruik dit gerus as ‘n basis om jou eie credo, op te stel. Dit is egter bewys dat die ware waarde van ‘n unieke verkoopsproposisie in die ontwikkeling van jou eie Credo geleë is.

In die geval waar jy eienaarskap van die daarstelling van ‘n credo neem, en jouself en dus ook jou onderneming definieer, stel jy ‘n waardestel ten toon, welke jou deur die stormagtige waters van COVID 19 kan help.

Dus: hier volg my Entrepreneurs Credo…

Ek stel voor dat jy jou credo met die volgende frase… “Ek glo dat ek” begin:

1. Ge-organiseerd is
   Ge-ordende gedagtes is gefokus en gefokusde gedagtes stel jou in staat om aksie te neem tot die bereiking van gefokusde doelwitte.  Begin by jou direkte werksomgewing, volg dan met jou  daaglikse beplanning en die uitvoering daarvan. Skeduleer ‘n geskrewe plan (default diary) van jou daaglikse aktiwiteite en hou daarby. Doen dit elke vorige aand vir die volgende dag en jy het ‘n 90% voorsprong bo die res van die bevolking (en jou kompetisie).
2. Toegewyd is
   Doen daagliks ten minste een ding wat jy reeds te lank uitstel. Jim Rohn het gesê dat daar slegs twee soorte pyn is, die pyn van disipline en die pyn van spyt. Dit is jou besluit vir watter pyn jy kans sien. Spyt kom altyd te laat…
3. Selfversekerd is
   Voel goed oor jouself. Bereik dit deur daagliks Stil te word. Weet wie jy is. Weet van waar jou krag kom. Herken dit… Erken dit… Doen gereeld fisiese oefening. Dit  sal ook nie skade doen nie. Beide sal beteken dat jy meer selfvertroue sal hê. ‘n Gesonde liggaam huisves immers ‘n gesonde gees!
4. Dankbaar is
   Sê vir jou geliefdes en kollegas dat jy hulle waardeer. Wees vrygewing met jou aanprysing en (opregte) komplimente. Soek eerder na dít wat mense reg as verkeerd doen.
5. Optimisties is
   Laat foute in die verlede en fokus op die positiewe in die toekoms. Is jou glas half vol of half leeg? Wees realisties en gebruik jou gesonde oordeel op ‘n positiewe en kreatiewe wyse.
6. ‘n Lewenslange student is
   Lees iets wat jou kennis verbreed. Vermy negatiewe mense, aktiwiteite en nuus. Word ‘n meester in jou vakgebied en versterk op so ‘n manier jou geloofwaardigheid.
7. Betroubaar is
   Kom alle besigheids-, sosiale, morele en ander verpligtinge stiptelik, eerlik en eerbaar na.
8. Menslik is
   Onthou dat die ervaring van die lewensreis net so belangrik is as die bestemming van die lewensreis. Wees ‘n aangename reisgenoot. Langenhoven het aanbeveel dat ons, ons swaarkry met lekkerkry moet klaarkry…
9. Rateltaai is
   Vereis die hoogste standaarde van almal en omring jou met net die beste.
10. Vasbeslote
    Moenie huiwer in besluite wat jy neem nie.

Gee en jy sal ontvang… Gee van jouself, gee onbevange, gee met vreugde en gee net die allerbeste.

Jou credo is dit wat jou deur die post-COVID opstandingstydperk sal dra.

*****

Besigheidsukses webinaar – 23 Julie 2020

Besigheidsafrigter Fergus Fergusson, van ActionCOACH FergusMOR, bied op Donderdag 23 Julie 2020 om 12:00 ‘n besigheidsuksesbespreking webinaar aan vir entrepreneurs en besigheidseienaars. Verskaf jou besonderhede hieronder vir meer inligting en ‘n uitnodiging na die geleentheid.