Voel jy dat jou span nie na verwagting presteer nie?

Die rede hiervoor kan wees dat jy nie jou span sien soos jy veronderstel is om te doen nie. Terwyl ons vandag die opening van die Mega-T geniet sal jy verstaan as ek sê dat jy en jou werknemers nie dieselfde vaar- of voertuie is nie. Werknemers is soos treine, en sake-eienaars is soos bote.

Ek verduidelik graag hierdie analogie en hoe dit jou kan help om meer noukeurig te dink oor hoe jy jouself en jou span bestuur. Wat ek vandag met jou wil bespreek, is die verskil tussen ‘n werknemer en ‘n besigheidseienaar. Kom ek verduidelik wat ek bedoel.

Jou span is treine

Dink daaraan dat ‘n trein ‘n baie kragtige lokomotief (enjin) het en dat dit ‘n soliede vervoermiddel is. As jy wil hê dat hierdie trein sy bestemming moet bereik, moet ‘n paar dinge in plek wees:

• Eerstens – jy moet weet wat die bestemming is.
• Tweedens – jy moet ‘n stel baie duidelike spore hê sodat die trein vanaf punt A, punt B kan bereik.
• Derdens – jy moet verseker dat die regte drywer aan die stuur van die trein is.
• Vierdens – jy moet die regte soort sinjale en aansluitings hê asook die regte spasie sodat seker gemaak gemaak kan word dat daar kole (brandstof) vir die trein is en …
• Laastens jy moet verseker dat die drywer behoorlik rus en op die spoor gefokus is.

Dit hoef nie lank te neem vir hierdie trein om te ontspoor nie. ‘n Gebrek aan spore, ‘n gebrek aan kole, rigtingloosheid en ‘n  gebrek aan korrekte spoor-aansluitings  – kan massiewe ontsporings of stilstande van hierdie trein veroorsaak.

Dit is eintlik baie eenvoudig… As jy nou aan werknemers in die sakewêreld dink, is die vrae wat in jou gedagtes moet opkom:

• Watter vlak van duidelikheid het jy aan jou span gegee oor wat die bestemming is? Hoe duidelik is die spore vir hulle uitgelê in terme van stelsels en strukture wat hulle moet volg om van punt A na punt B te kom?
• Hoeveel opleiding word aan die bestuurder gegee sodat ons seker is dat hy of sy in staat is om sonder verwyl, teen die regte spoed na die regte plek geneem te word?
• Watter soort personeelevaluering, terugvoer en leiding gee jy aan hulle en wat beteken dit regtig? Lei jy hulle, motiveer jy hulle, maak jy hulle hande los, vul jy hulle basiese “brandstof” aan en kry hulle gefokus op waarheen hulle moet gaan?

Dit is die vrae wat jy jouself moet afvra om jou span meer effektief te kry, om hierdie masjien, hierdie enjin teen die regte doeltreffendheidsvlak te laat werk.

Maar JY… is ‘n boot.

Kom ons praat nou oor die bote. Sake-eienaars is bote.

Wanneer jy aan die boot se spore dink… dan is die hele see sy spore. Daar is geen vaste pad nie. Ons weet nie op watter spoor hierdie boot is nie en daarom het die boot nie regtig ‘n rigting tensy jy as ‘n besigheidseienaar hierdie boot ‘n rigting gee nie.

Wanneer hierdie boot van punt A na punt B, op die uitgestrekte see moet beweeg, met winde en met golwe, in allerhande weersklimate, met baie eksterne faktore – dan is die belangrikste ding wat  jy as besigheidseienaar moet weet, wat is die boot se bestemming?

Waarheen wil jy hierdie boot neem? Andersins kan dit maar net op en af op die see rond dobber. Jy kan dit dalk vir ‘n geruime tyd geniet, maar na ‘n tyd word dit baie vervelig. Vir ‘n lang tyd is jy  op ‘n plek waar  jy wil wees nie terwyl jy graag vorentoe wil beweeg.

Vir die boot om vorentoe te beweeg moet ons die eksterne faktore benut. Hierdie is geleenthede wat ons het waarvoor ons ons produksie en verkope moet verhoog. Verkope in ‘n besigheidsin is jou doelwitte, jou drome, dit wat jy probeer bereik. Hoe meer die verkope, hoe beter is dit en hoe meer geleenthede kan ons benut.

Ek merk op dat baie bote op een plek vassit. Hulle beweeg net op en af en heen en weer – as gevolg van die ankers wat hulle het. Hierdie ankers is die vorige ervarings. Dit kan wees dat ‘n paar mislukkings of ‘n paar ervarings of bagasie jou as sake-eienaar terughou. Jy moet dus doelbewus die ankers wat jou terughou “lig”.

Hou jou ankers byderhand: Ankers van geloof, balans en dankbaarheid. Jy sal rus, en ontspanning nodig hê wat ook goed is. As ‘n nuwe besigheidsdag aanbreek, gaan dit daaroor om in die see te wees, om paraat te wees terwyl jy die onbekende wêreld aandurf. Om daardie avontuur te geniet, maar ook om vorentoe te beweeg, span jou seile in die winde. Om die golwe te trotseer lig die ankers.

Vra jouself dus ‘n vraag – hoeveel geniet jy jou besigheid op hierdie stadium? Wat is nodig om nie meer te doen nie? Wat moet jy begin doen, wat jou treine (werknemers) en jou as boot (sake-eienaar) aanbetref?