’n Geïllustreerde gids tot medisinale plante
Daar is vandag sowat 900 miljoen mense in Sub-Sahara Afrika wat geheel en al op tradisionele kruiekure aangewese is. Wêreldwyd is mense ook besig om al meer hulle weg terug na natuurlike produkte te vind in ’n poging om die chemiese oorlading waarmee ons van alle kante gebombardeer word te systap. Dis skrikwekkend om te sien watter potensieel skadelike middels byvoorbeeld in ons kos-, bad-, haar- en medisinale produkte is.
Ek was dus sommer baie opgewonde toe die kosbare publikasie, An Illustrated Guide To Medicinal Plants of East Africa, op my lessenaar beland. Hoewel dit 163 medisinale plante van Oos-Afrika behandel, word heelwat van hierdie plante natuurlik ook in Suid-Afrika en omtes aangetref. Baie van die plante groei dus op ons spreekwoordelike voorstoep en ons het toegang tot dit. Dis net jammer dat ons meestal nie die plante ken nie en dus nie besef dat daar dikwels ’n apteek in ons tuine of natuurlike gebiede groei nie. En as hierdie plante, die grond waarin hulle groei of die water wat dit aan die lewe hou nie met gifstowwe besoedel word nie, kan ons die natuurlike medisinale waarde daarvan geniet. Ons moet net leer hoe om die plante te identifiseer en hoe om dit te gebruik sodat ons die maksimum voordeel daaruit kan put. Hierdie voordele is dikwels kosteloos, veral as ons self die plante groei en nie nodig het om dit in verwerkte vorm (poeier, aftreksels, ens.) ten duurste by organiese en/of gesondheidswinkels aan te koop nie.
An Illustrated Guide To Medicinal Plants of East Africa deur Najma Dharani en Abiy Yenesew word deur Struik Nature uitgegee. Dit is ’n nuut bygewerkte en opgedateerde uitgawe (die oorspronklike is self uitgegee). Dharani is onder meer ’n plant- en omgewingsekoloog en senior lektor by Kenyatta Universiteit in Nairobi. Yenesef is ’n professor in Chemie aan die Universiteit van Nairobi en het ’n besondere belangstelling in die chemiese en biologiese aktiwiteite van medisinale plante. Die boek is 312 bladsye lank en beslaan meer as 600 kleurfoto’s. Daar is kort beskrywings oor die plante se voorkoms, ekologie en spesifieke medisinale gebruike. Resepte vir medisinale behandelinge en aanvullings vergesel die plante tesame met ’n maklik verstaanbare verduideliking van die wetenskap daaragter. Mens leer ook meer oor die aktiewe bestanddele in die plante, hoe om medisyne van die verskillende plantdele voor te berei asook waarvoor dit help. Daar is ook ’n omvattende woordelys van mediese en botaniese terminologie.
KragDag-lesers wat daarvan hou om meer kennis op te doen oor wat die natuur ons bied, sal hierdie boek van belang vind. Dharini skryf: “Without the vast store of oral knowledge on herbal remedies preserved in the memories of village elders, grandmothers and mothers in these diverse local communities, this book would not have been possible. With these living custodians of an important healing tradition, now sadly vanishing, I have had the singular privilege of being able to share aspects of my own ancestral and family knowledge of plants.” En dis presies wat hierdie boek so kosbaar maak – die boekstaaf van uiters waardevolle kennis rakende die gebruik van medisinale plante wat vir eeue lank miljoene mense help gesond maak het en die gevaar loop om verlore te gaan vir die volgende geslagte.
Skaf gerus vir jou ’n kopie van An Illustrated Guide To Medicinal Plants of East Africa by ’n goeie boekwinkel aan of koop dit hier.
Kompetisie
Een gelukkige Kragdag-leser kan ’n kopie van An Illustrated Guide To Medicinal Plants of East Africa wen met die komplimente van die uitgewers. Al wat jy moet doen om in aanmerking te kom vir die weggeeboek is om hier onder in die kommentaar te vertel waarom jy dit graag sal wil wen. Sluitingsdatum 9 Julie 2023.
- Louise Viljoen
Boekwurm Louise Viljoen is ’n vryskutskrywer en taalversorger van Jeffreysbaai. Sy werk heeldag met stories, haar eie en ook dié van ander. Louise skryf, redigeer, proeflees en vertaal teks om die pot aan die kook te hou. Dit is haar passie om skrywers te help om hulle manuskripte te slyp. Sy lees dus vir werk én vir ontspanning. Louise vertel graag van die wonderlike boeke op haar boekrak wat haar hart vinniger laat klop. Haar boekresensies verskyn gereeld in verskeie publikasies en kan ook oor die radio gehoor word.
- Nuwe boeke vir voëlkykers September 2, 2024
- Heling te vind in die natuur Augustus 2, 2024
- Werk spaarsamig. Wees dankbaar. Julie 18, 2024
- Eie Rigting Julie 18, 2024
- Vergenoegdheid: Tyd om af te skaal? Junie 26, 2024
Ek sal graag die eksemplaar van Medicinal plants wil hê Sal graag deur plante genesing wil kry op die natuurlike manier. Medisyne is nie goed vir die mens nie. Die natuurlike manier deur plante is baie beter. Wanneer jy oud word is dit ook beter om die natuurlike medisyne te gebruik. Ek sal bly wees om so ‘n boek te kan kry.
An Illustrated Guide To Medicinal Plants of East Africa
Ek is nou al ‘n geruime tyd lank besig om my kennis te verbeter van medisinale en wilde eetbare plante in Suid Afrika, al vandat ons kinders gebore is gebruik ons natuurlike produkte en kruie vir medisyne in pleks daarvan om dokter toe te gaan, so het ons al baie geleer.
Daar is ‘n groot aanvraag daarvoor.
Ek is al deur verskeie vriende/kennisse gevra om iets aanmekaar te sit (soos bv. ‘n PDF boekie) vir die wat regtig belangstel om meer te weet ivm wilde kruie /eetbare plante. Ek is ook in die proses besig om ‘n “kursus” of sal ek sê “reeks” aanmekaar te sit vir kinders, om hul meer te leer van verskeie plante wat medisinaal of eetbaar is. Ek is opsoek na goeie informasie en so boek sal my werk baie makliker maak.
Medisinale plante is ons antwoord vir die toekoms. Die mensdom het vir eeue oorleef deur die kundigheid wat verkry is deur die opteken en later publikasie van hierdie kennis.
Ek sou bitter graag hierdie boek wou ontvang, want op 70 jaar het ek ‘n vol en produktiewe lewe omdat ek “big pharma” nie meer ondersteun nie. Die mens is gemaak om uit die natuur te leef en oorleef.
Baie dankie vir julle waardevolle insette in ons lewens.
Venecia.
‘n Kopie van hierdie boek sal vir my ‘n aanwins wees, want ek glo aan genesing op die natuurlikste manier moontlik. Eerstens wat wil God he moet ons ddoen of nie doen nie dat Hy kan vloei en totale genesing bring. Dan natuurlike aanvullings en hulpmiddels, soos deur Hom gemaak, is altyd ‘n kosbare hulpmiddel tot genesing. Ek is altyd gereed met ‘n raadjie, wanneer iemand na my toe kom vir advies. En ek geniet dit sooo baie, alle eer aan ons Hemelse Vader!
Meer mense neig tot natuurlike genesing / medisinale kruie. Sal die boek waardeer aangesien ek nie veel kennis daaroor beskik nie. Homeopate se medikasie is onbekostigbaar duur.
Medisinale plante het hul plek in die tuin. Hierdie boek sal “Edible & Medicinal Flowers” van Margaret Roberts komplimenteer. Nog ‘n ongelooflike boek wat nerens te vinde is nie – is “Minor Crops of South Africa”. Die terugbeweeg na omgewings vriendelike plante kan ‘n groot bydrae lewer to die beskerming van ons kultuur. Tog moet Boererate soms met ‘n knippie sout geneem word. Ons voorsate het oorleef met die natuur – en so kan ons ook.
I live in the Klein Karoo where there is a great diversity of plants. Many of the residents are unable to afford conventional medicine and rely on home remedies to assist in healing of their bodies. Unfortunately, due to urbanization, they have lost much of this knowledge. I would use this book to produce a short course and teach them about the healing properties of the plants in their environment but at the same time to use them without destroying the plant but in a sustainable way to protect the environment
Congratulations, Dorothy. You win a copy of An illustrated Guide to Medicinal Plants of East Africa. I will be in touch to arrange delivery of your prize.
Ek glo die Here het alles op aarde wonderlik geskep en in die natuur het Hy vir alles voorsiening gemaak wat ons nodig mag kry.Terwyl ons voorgeslagte in die afwesigheid van moderne medisyne,die natuurlike medisynes noodwendig moes benut, het die kennis oor die gebruik daarvan stelselmatig vervaag namate oor-die-toonbank medisyne ontwikkel het.Ek wil graag self meer kennis oor natuurlike medikasie opdoen en my kinders & kleinkinders ook leer daaroor.
Jou nr Daan asb
Ons boer en weet watter Plante Kan ons by ons dier plant. Hulle weer ook watter Plante om te eet as hulle siek voel. Wild veral
Help asb. Ek wil weet watter plantsoorte Kan ek in n wildskamp plant. Dit is medisinale plante
I want to know with medisinal plants I can put into my camp for elands and other wild