Ek is sommer baie opgewonde om hierdie drie 2023-titels aan KragDag lesers voor te hou. Elke boek bevat ’n kaart, pragtige kleurfoto’s, interessante feite en ook wenke om ’n suksesvolle safari in die Kruger Wildtuin te onderneem. Dit verduidelik waar, wanneer en hoe jy die beste kans staan om ’n groot verskeidenheid diere, bome en insekte te besigtig. Die boeke getiteld Mammals of Kruger, Trees of Kruger en Insects and other critters of Kruger word deur Struik Nature, ’n druknaam van Penguin Random House South Africa, gepubliseer. Die Nature Now-reeks kom in ’n gerieflike handpasgrootte en is ideaal om saam in die motor te neem of in ’n rugsak saam te dra.

Mammals of Kruger
Hierdie ID-gids beslaan 176 bladsye en sewe afdelings (buiten die voorwoord), naamlik “Large predators”, “Small predators”, “Large herbivores”, “Antelope”, “Primates”, “Rodents”, and “Others”. Daar is ook ’n baie nuttige woordelys. Die leser word aan meer as 80 spesies bekend gestel – van die bekende Groot Vyf tot die skaam ietermagog.

Uittreksel: “The Kruger National Park is a world-famous game-viewing destination. Originally proclaimed by President Paul Kruger in 1889 and expanded in 1926, this natural wilderness now spans just under 20,000 square kilometres, an area larger than the country of wales. Over 140 mammal species are found here, including the iconic Big Five: the elephant, lion, leopard, buffalo and black rhino.”

Trees of Kruger
Hierdie ID-gids beslaan 200 bladsye en vier afdelings (buiten die voorwoord) volgens die bome se habitat, naamlik “Generalists”, “Rivers and floodplains”, “Deep sandy soils” en “Koppies and rocky ridges”. Daar is ook ’n handige woordelys. Altesaam 80 algemene bome word aan die leser voorgehou, met foto’s wat diagnostiese kenmerke uitwys. Medisinale en ander gebruike word genoem, sowel as die interaksie wat die wildlewe met die bome het.

Uittreksel: “The aim is to help you make accurate identifications of these majestic plants. Each tree species is showcased over two pages, combining photographs of the most representative features with concise text descriptions that use mimimal botanical jargon. … [T]hese tree accounts focus on distinctive details that are visible either with the naked eye – often from a distance – or through a pair of binoculars.”

Insects and critters of Kruger
Hierdie ID-gids beslaan 176 bladsye en twee afdelings (buiten die voorwoord), naamlik “Insects” en “Other critters”. Lesers kan hulle verlustig aan 30 groepe en meer as 200 algemene spesies se biologie en merkwaardige gedrag. Daar is ook ’n gebruikersvriendelike woordelys en selfs waardevolle fotografie wenke vir diegene wat die goggas graag wil afneem.

Uittreksel: “Take time to closely examine the bush around you: notice the dew-soaked spiderwebs, colourful grasshoppers, fluttering butterflies and bustling dung beetles. The Park’s inhabitants are fascinating and worth watching.”

Skaf gerus hierdie drie titels aan al gaan jy nie noodwendig die Kruger Wildtuin besoek nie. Die boeke is by deelnemende boekhandelaars beskikbaar. Of klik op die titels om die boeke te koop: Mammals of Kruger, Trees of Kruger en Insects and other critters of Kruger.

Kompetisie
Een gelukkige leser kan al drie hierdie titels wen met die komplimente van die uitgewer. Al wat jy hoef te doen om in aanmerking vir die prys te kom, is om kommentaar te lewer en te vertel waarom jy graag die boeke sal wil wen. Sluitingsdatum 18 September 2023.