Pretoria FM fokus die afgelope 29-jaar daarop om Afrikaans as taal, maar ook die Afrikaner se kultuur-, geloofs- en gesinswaardes te bevorder en uit te brei. Pretoria FM beskik vandag oor een van die grootste en mees uitgebreide radio-uitsaainetwerke in privaat besit, wat verder aangevul word met internet- en satelliet-tegnologie en is volgens die jongste BRC RAM syfers die grootste gemeenskapstasie in die land wat slegs in Afrikaans uitsaai.

Pretoria FM se doel is om Afrikaans as taal en ook Afrikanerkultuur-, geloofs- en gesinswaardes landswyd te bevorder en om ‘n luister-atmosfeer in Afrikaans te skep waar luisteraars tuis voel.

Pretoria FM streef daarna om ‘n markleier te wees en fokus op voortdurende verbetering van ons vermaak-, nuus- en aktualiteitsinhoud. Ons wil luisteraars ingelig hou met korrekte, objektiewe en onafhanklike inligting.

Nasionale en plaaslike besighede behaal ongekende sukses met advertensieveldtogte en buite-uitsendings op Pretoria FM en ons stel bekostigbare pakkette vir alle tipe besighede beskikbaar.

Ons wil die tuiste wees waar ons luisteraars hulle geloof en Afrikanerkultuur kan uitleef; waar jou frons plek maak vir ‘n glimlag en waar jou kos lekkerder smaak; ‘n veilige en betroubare kuierplek van kleintyd tot oudag.

Vir meer inligting met betrekking tot ‘n advertensieveldtog op Pretoria FM, stuur ‘n e-pos na adverteer@pretoriafm.co.za of skakel 012 543 0120.

Pretoria FM – Hoop, glo en lééf in Afrikaans